1986 - 1987 - 1988 - 1989 - 1990 - 1991 - 1992

't Joar 1989 is 't 89e joar in de 20e eeuwe volgenst de christelikke joartellienge.

Gebeurtenissn bewerkn

 
Val van de Berlynsche Meur

In 1989 begunt 't Ôostblok uutêen te valln.

januoari
  • 2 - José Happart vertrekt ols burgemêester van Voeren. Nico Droeven wordt de nieuwe burgemêester.
  • 8 - In Spanje roept d' ofscheidiengsbewegienge ETA (Euskadi Ta Askatasuna) e bestand uut van twêe weekn ols têekn van goeie wille vor oenderhandeliengn met de regerienge.
  • 14 - De Spoansche regerienge begunt gesprekkn met de ETA.
  • 14 - In België wordt oud-premier Paul Vanden Boeynants oentvoerd.
  • 14 - Officiële boekverbrandienge in Bradford (Iengeland) van de romang De duuvelsverzn van Salman Rushdie deur moslims die 't boek godslasterienge viendn.
  • 20 - George Bush sr. wordt beëdigd ols 41e president van de Verênigde Stoatn.
februoari
  • 1 - Êeste uutzendienge van VTM (Vlamsche Televiezje Moatschappie), den êeste commerciële tv-zender in Vloandern.
  • 13 - Den Belgischn oud-premier Paul Vanden Boeynants, die ip 14 januoari oentvoerd is, wordt vrygeloatn.
  • 14 - Den Iroanschn Ayatollah Khomeiny sprêekt in e fatwa 't dôodvonnis uut teegn de schryver Salman Rushdie vanwege zyn boek De Duuvelsverzn.
moarte
  • 8 - In België briengt Europarlementslid Jaak Vandemeulebroucke de grôotschoalige commerce van hormoonn ter sproake: één ip de twêe bêestn in de veetêelt zou met hormoonn behandeld zyn.
  • 24 - Vo de kust van Alaska gebeurt de grotste milieurampe aller tydn, ols den tanker Exxon Valdez lek sloat en tienduuznde tonn mazout de kust vervuuln over 1900 km.
  • 26 - By verkieziengn vo 't Congres in de Sovjet-Unie hoalt Boris Jeltsin mêer of 89% van de stemmn in zyn district Moskou.
  • 28 - In Kosovo zyn der relln, mè verschillige dôoie, uut protest teegn 't beleid van de partyleider Slobodan Milošević die 't Servisch nationalisme zoudt anwakkern.
  • 29 - In Brussel wordt den imam Abdullah el-Ahdal ip kloarluchtn dag vermôord.
  • 31 - Latste uutzendienge van de kienderserie de Fabeltjeskrant.
april
  • 15-4 juni: In Peking, China, gebeurt er e studenteprotest (Tiannanmen-protest) ip 't Pleing van d' Hemelse Vrede, die deur 't regime styf hart wordt angepakt.
juni
juli
  • 4 - In Bellegem stort een oenbemande Mig 23 nere ip een huus.
  • 15 - De tv-serie Samson en Gert wordt vo den êeste kêer uutgezoendn.
ogustus.
  • 25 - De ruumtesoende Voyager 2 bereikt de planete Neptunus. 't Is 't êeste en toet nu toe 't latste ruumtetuug die de planete bezocht èt.
september
  • 20 - F.W. de Klerk wordt president van Zuud-Afrika.
  • 24 - Hongareye opent zyn grenze met Ôostnryk. Deur 't 'gat' in d' Yzern gordyne vluchtn tienduuznde menschn uut de DDR noa West-Duutsland.
  • 30 - Den Duutsche minister van Buutnlandsche Zoakn Hans-Dietrich Genscher makt bekend dat duuznde DDR-burgers die gevlucht woarn noa de Duutsche ambassade in Praag noa de Boendsrepubliek meugn vertrekkn.
oktober
  • 1 - Openienge van de Berendrechtsluuze in d' Hoave van Antwerpn. 't Is de grotste zêesluuze ter weireld.
  • 7 - De DDR viert heur vêertigste en latste verjoardag. De protestn in Ôost-Berlyn, Leipzig en andere dêeln van 't land bluuvn deurn.
november
  • 9 - Val van de Berlynsche Meur.
december
  • 17 - D' êeste ofleverienge van The Simpsons wordt in de VS uutgezoendn.
  • 25 - De Vlamsche journalist Danny Huwé wordt dôodgeschootn in Roemenië. Je was doa vo verslag uut te briengn over de val van dictator Nicolae Ceaușescu vo VTM.
  • 25 - De vôortvluchtige Roemeenschn dictator Nicolae Ceaușescu en zyn vrouwe Elena wordn g'executeerd.

Geboorn bewerkn

januoari
februoari
moarte
  • 2 - Toby Alderweireld, Vlamsche foetballist
  • 22 - Jelle Vossen, Vlamsche foetballist
meie
  • 3 - Selah Sue, Vlamsche zangeresse en liedjesschryfster
  • 11 - Jelle Wallays, West-Vlamsche coureur
juli
  • 23 - Daniel Radcliffe, Iengelschn acteur (o.a. Harry Potter)
september
oktober
  • 20 - Yanina Wickmayer, Vlamsche tennisster
november
  • 25 - Tom Dice, Vlamsche zanger
december
  • 5 - Jean-Marc Mwema, Vlamsche basketter
  • 13 - Taylor Swift, Amerikoanschn zangeresse

Gestorvn bewerkn

januoari
  • 7 - Hirohito (87), Japaneesche keizer
  • 23 - Salvador Dalí (84), Spoansche schilder
april
  • 19 - Daphne du Maurier (82), Iengelsche schryfster
  • 26 - Lucille Ball (77), Amerikoansche actrice
  • 30 - Sergio Leone (60), Italioansche filmregisseur
juli
  • 10 - Jean-Michel Charlier (64), Belgische strip-scenarist
  • 11 - Laurence Olivier (82), Iengelschn acteur
  • 16 - Herbert von Karajan (81), Ôostnryksche dirigent
september
  • 4 - Georges Simenon (86), Belgische schryver
oktober
  • 6 - Bette Davis (81), Amerikoansche actrice
  • 25 - Gerard Walschap (91), Vlamsche schryver
december
  • 14 - Andrej Sacharov (68), Russischn atoomgelêerdn en dissident
  • 16 - Lee Van Cleef (64), Amerikoanschn acteur
  • 25 - Elena Ceaușescu (73), Roemeensche presidentsvrouwe
  • 25 - Nicolae Ceaușescu (71), president van Roemenië
  • 25 - Danny Huwé (46), Vlamsche journalist