Dit artikel es geschreevn in 't Poperiengs, en da zou best ozô bluuvn.

Dirk Burggroaf Frimout (Poperienge, 21 moarte 1941) wos 'n êerstn Vloamienk in de ruumte.

Dirk Frimout (foto: NASA)

Jeugdjoarn & studies bewerkn

Dirk Frimout is ebôorn in de Gasthuisstraat, numero 69: overtyd wos dat e klôoster van de poaters Recolettn, sedert 1981 ej doa 't Hoppemuseum. E goenk in 't loager na de stoatsschole (RMS). An 'n Unief van Gent oalde Frimout zyn diplom van Ingenieur Elektronica (1963) en zyn doctoroat in de toegepaste fysica (1970). E goenk na Colorado in Amerika vo zyn post-doctoroat. Loater kwam 'n ouk nog doctor in de Toegepaste Weetnschappn.

Êestn Vlamschn astronaut bewerkn

Van 24 moarte toet 2 april 1992 vlôog Frimout, tope mi zes Amerikoansche astronautn, in de Atlantis, e Space Shuttle van d'Amerikoanders. Prins Filip vroeg live op 'n televisie, toen da Frimout toertjes an 't droain wos in de ruumte: "En Dirk, wat ziet kij door het raam?" en "zek maar Filip, in de ruimte is er keen protocol".

Voddere carrière bewerkn

Van 1993 toet 1998 wrochte Frimout by 'n tillefong Belgacom. In 1998 et 'n etêkend by Flanders Language Valley (roend Lernout en Hauspie). Voe 't moment wunt 'n in 't klein begynof van Gent.

Varia bewerkn

  • Frimout speelt e rolle in e strip van Suske en Wiske: De stervende ster (nr. 239).
  • Dirk Frimout is ni ollêne êreburger van Poperienge; z'en oek 't êeste stadspark na nem vernoemd: Burggraaf Frimoutpark.

Externe koppeliengn bewerkn