Francky Dury (Roeseloare, 11 oktober 1957) es nen West-Vlamschn voetboltrainer.

Francky Dury

Carrière bewerkn

Francky Dury es begonn'n als voetboller ip een êerder bescheid'n niveau by Hulste Sport (1971 - 1981). Zin successn zyn gekoomn als trainer, vôorol by Zultse VV en loater by de fusieploeg SV Zulte Waregem. Noa êerdere trainerservoariengn by ploegn gelik Oarelbeke (B-ploeg), Bevern-Leie, SKS Ronse en RC Doornik es't ie begonn'n me Zultse VV, toen nog in êeste provinciale, te train'n in 1990. Ie es ton 6 kêers kampioen gekoomn me die ploeg: in 1ste provinciale (1991), 4de klasse (1994 en 1999), 3de klasse (2002) en 2de klasse (2005), woardeure da SV Zulte Waregem in êeste klasse mocht speeln. Veeln peisd'n da Zulte-Waregem ne veugel voo de katte wos, moar iederêen eit em een bulte verschootn toen da de ploeg ip de 7de plekke eindigde en de Beker va België won. Ip 31 meie 2010 roakte bekend da Dury trainer wier van KAA Gent.

De 14ste meie 2011, achter de vôorlatste speeldag van de play-offs, hen Francky Dury en Gent in ounderlieng overleg beslist van de soamnwerkienge stop te zettn. Dury zyn ipvolger wos de Noor Trond Sollied.

De 27ste juli 2011 is Francky Dury de nieuwn technischn directeur van de Belgische voetbolbound gekommn en beloftecoach van 't nationaal elftal.

Den 30stn december 2011 gerakte bekend da Francky Dury were trainer kwam van Zulte Woaregem. Je volgde den ountsleegn Darije Kalezić ip.

Pryzn bewerkn

  • 1990 Kampioen 2de pr. (KSK Ronse)
  • 1992 Kampioen 1ste pr. (Zultse VV)
  • 1994 Kampioen 4de Klasse (RCH Gent)
  • 1995 Kampioen 4de Klasse (Zultse VV)
  • 1999 Kampioen 4de Klasse (Zultse VV)
  • 2002 Kampioen 3de Klasse (SV Zulte Woaregem)
  • 2005 Kampioen 2de Klasse (SV Zulte Woaregem)
  • 2006 Beker van België (SV Zulte Woaregem)
  • 2006 Belgisch trainer van het joar (SV Zulte Woaregem)
  • 2007 verkoozn tot West-Vloamieng van het joar
  • 2013 Belgisch trainer van 't joar (SV Zulte Woaregem)