Dat artikel ier is nog moa e klêen begun. Ge zyt g'inviteerd vôor ip bewerkn te klikkn vo mêer encyclopedische kennisse toe te voegn.
De Karpoatn (Tsjechisch, Pools en Slovaaks: Karpaty, Oekraïens: Карпати (Karpaty), Roemeens: Carpați, Duuts en Nederlands: Karpaten, Servisch: Karpati, Hongaars: Kárpátok) zyn e gebergte, geleegn in Ôost-Europa. 't Bestrykt de landn Tsjechië, Slovakeye, Polen, Oekraïne en Roemenië. Ouk in Oostnryk, Hongareye en Servië liggn uutlopers van 't gebergte. Ip fysische koartn is ouk te zien dat de Karpoatn e grodder gehêel vormen mè 't Balkangebergte in Bulgareye en no 't westn toe mè de Sudeetn in Tsjechië en d' Alpn in Oostnryk. 't Gebergte vormt een halve cirkel roend e grôot stik vlak land, de Pannonische vlakte, woa da Hongareye ligt. In Roemenië maken de Karpoatn e scherpen bocht. Nôordwestelik van die bocht ligt nog 't Transsylvanisch Plateau. Den hôogsten berg is de Gerlachovský štít (2.655 m hôoge) in Slovakeye, die direkt ouk den hôogsten berg is van 't land. Ouk hèn de Karpoatn meerdere toppn die d' hôogste bergn van e land vormen. Zo is den Hoverla in Oekraïne den hôogsten berg mè 2.061 boovn zêeniveau, in Roemenië is da were de Moldoveanu (2.544 m).
