Koersvelo

Ne koersvelo es e sorte van velo die specioal gemakt es vo mee ip de boane te koersen. Koersvelo's zyn zô gemakt da ze zo lichte meuglik zyn, mo toch voldoende stevig.

Klassieke koersvelo woamee da Eddy Merckx een weirelduurrecord eit gereen

Enigte ounderdêeln van ne velo

Van stoal na carbon

An de vorm es 't er sedert d'uutvindienge van de velo nie hêel vele veranderd, mo wel an de materioaln woavan da koersvelo's gemakt zyn. 't Es nen trend vo de velo zo lichte en zo aerodynoamisch meuglik te moakn. Woa da de frames ('t "skelet" van de velo, 't ginne da je der nie kunt vandoen: de fourches, ...) eertyds van stoal gemakt weirdn, zyn ze nu meestol van carbon (e lichte, mo styf arte kunststoffe), titanium, aluminium of e mingelienge. Ne typische amateur koersvelo weegt tegenwoordig oby de 10 kilo's (of 'n twuk minder). Van de UCI mag ne koersvelo in officiele wedstrydn nie minder of 6,8 kilo's wegen.

Velogroepn

Ne velogroep is de verzoamelnoame van olles an de velo da gin dêel es van 't frame: de derailleurs, de vitessen, de speekn, de ketting, de frings, ... Gekende merkn die hêle velogroepn ip de markt briengn, es 't Japanese Shimano en 't Itoalioanse Campagnolo. Ontwikkelingn in de velogroepn: sedert midden de joarn '90 de klikpedoale, geïntegreerde vitessen, ...

Ofbeeldiengn die ier by passn ku je vien in de categorie Racing bicycles van Wikimedia Commons.