De Nieuw-Vlaamse Alliantie, ofgekort N-VA, es e Vlamsche polletieke party. Z'ès van Vlams-nationalistische strekkinge. Z'ès pas ountstoan in 2001, achter de splitsinge van de Volksunie tussen de nationoalistische en links-liberoale (Spirit) strekkingn die bestoundn in die party. Êen van zyn mêest gekende leedn es de ex-partyvôorzitter Geert Bourgeois. Achter de federoale verkieziengn van 13 juni 2010 is den N-VA de grotste partye van Vloandern gekommn.
De N-VA was een klêne party, die deur de nieuwe wet ip de verkiezingsdrempel, gedwoengn was om een alliantie an te goane met een andere party, in ulder geval de CD&V.
Vô de gemêenteverkieziengn van 2006 est ondudelik oevele stemmn N-VA oalt: de schattiengen zyn van drie tot zes %, ounder den kiesdrempel dus en N-VA eit er olle belang by in en kartel te bluuvn.
Ip 30/11/2006 zeggn Jean-Marie Dedecker, butengesmeten by de VLD, en N-VA vôorzitter Bart De Wever, preus lik vêertig, da Dedecker noa de N-VA overstapt.
De CD&V koppen pikkn 't nie da Jean-Marie Dedecker, in ulder ôgen nen dounkerblauwen blagoai, tôpe me ulder ip ulder lyste goa stoan en zegt et kartel op (volgens sommige polletieke woarnemers et 't ACV ier e grôte rolle in espeeld en est ne stryd tussen 't lienkse en rechtse kamp in de CD&V). Grôte consternoatie; sommigste N-VA leedn sloan de deure toe en in vele gemêentecoalisies me't CD&V est'er boel.
Op 9/12/2006 trekt de N-VA ze steirt in: Dedecker goa nie op e lyste stoan, en goat dus weg van de party. 't Kartel is in principe ered en Bart De Wever gift de kwakkel van zyn leven toe.
West-Vloandern
Ôost-Vloandern
Antwerpn
Vlams-Broabant
.svg){kind=small}
Limburg
Brussels Gewest
