Itoalië Noapels
Napoli

Liggienge van Noapels in Italië
Regio Campanië
Provinsje Noapels
(metropolitane stad)
Coördinoatn 40°50′NB 14°15′OL
Ippervlak 117 km²
Inweuners

Bevolkiengsdichtheid

959.052 (2012)
8.197 inw./km²
Postcode 80100
Website comune.napoli.it (It.)


Noapels (Italioans: Napoli, Nederlands: Napels) is de derde grotste stad van Itoalië, en de grotste van Zuud-Itoalië. D'r weun à peu près 3 miljoen menschn. Ze legt in de regio Campanië an de Golf va Noapels, en an de voet van de Vesuvius.

Geschiedenisse bewerkn

Noapels is gesticht deur de Oude Griekn (Nea-polis, de nieuwe stad) round 800 vôorn Christus. Loater va tyd kwamt ze in ann van de Romeinn. In de verdere geschiedenisse wos Noapels dikkers bezet deur vrimde machtn: de Longobardn, de Vikings (round 1100), de Spanjoarn (round 1500), de Fransche (round 1800). In tusschenpoozn wos 't oek onafhankelik en zelfs een apart keunienkryk. Roend 1860, dus 't begun van Italie ounder Garibaldi eigentlik, kwam et verval, want de macht, de industrie en 't kapitoal veruusde voegoed na 't Nôordn. Noapels kwam een arme stad, woa da de maffia (de Camorra) vry spel adde. 't Is moa redelik recent da Noapels were e bitje opflakkert.

Varia bewerkn

  • De pizza zou ountstoan zyn in Napels.
  • Noapels is zot va voetbol. En zeker sedert de periode van Diego Maradona, die doa nog ossan lik e god verêerd wordt.
  • De uutdrukkienge "Noapels zien en sterven" is ountstoan deur e vergissing. Eigentlik wos 't Noapels zien en Mori. Mori wos verkêerdelik vertoald als dôodgoan ('moriri' = Latyn voe sterven), moa 't wos dus eigentlik e noame van e stadje.