Oblast Leningrad
D'n oblast Leningrad (Russisch: Ленинградская область; Leningradskaja oblast) is 'n oblast (e federoal subject) in 't nôordwestelik dêel van Rusland. 't Administratief center en de grotste stad is Gatchina.
D'n oblast is vernoemd noa de stad Leningrad. In 1991 krêeg de stad were heur ôorsproenkelike noame, Sint-Petersburg, moa de noame van d'n oblast is Leningrad gebleevn achter e referendum.
D'n oblast Leningrad wordt begrensd deur vuuf federoale subjectn van Rusland: de Republiek Karelië in 't nôordôostn, oblast Vologda in 't ôostn, oblast Novgorod in 't zuudn, oblast Pskov in 't zuudwestn en de federoale stad Sint-Petersburg in 't westn, moar ook deur Finland in 't nôordwestn en Estland in 't westn.
D'n oblast Leningrad ligt roend de Finsche Golve en te zuudn van twèe grôte zoëtwoatermeern, 't Ladogameer en 't Onegameer. De belangrykste riviern zyn de Neva en de Volchov. D'n oblast omvat 't gebiëd roend Sint-Petersburg, de Karelische landengte en ênigte eilandn.
-
Zicht ip Gatchina -
Historisch center van Vyborg ip de Karelische landengte -
Zicht ip 't klôoster van Tichvin an d'n overkant van de riviere de Tichvinka -
Fort van Ivangorod
|
Ofbeeldiengn die ier by passn ku je vien in de categorie Leningrad Oblast van Wikimedia Commons. |