Schorre
Een schorre is een plekke an de kust of in een estuarium woarda anslibbiengn hoge genoeg zyn gekommn dan ze met een geweun hoog woater nie mêr ounderloopn, moar ollêne met een spriengvloed ounder woater komt te stoan. Een schorre begint dikwils as een slikke die goandeweg mêer materioal hèt verzoameld en uutendelik olsmao droger komt te liggn.
In de vroege Middelêeuwn was schorre t' hope mè slikke een belangryke landsvorm an de Vlamsche kust, moar nu is 't nog ollêne te viendn an den Yzermoundienge en in 't Zwin.
Ecologisch belang bewerkn
Schorrn zyn êen van de belangrykste voedsel-, rust- en broeplekkn vo verschillende strand- en zêeveugels, angezien dan de zoutwoatermoerassn van de schoorn een plekke is woardan veel jounge visschn kunn'n gevoundn wordn. Up d' hogergeleegn dêeln is der mêer zoutbestendige vegetoasje gelik slykgras en schorrekruud.