Ælfthryth van Wessex

Ælfthryth van Wessex, ook Elftrudis of Elfrida (Wessex, 868 - 7 juni 929) was e dochter van Alfred den Grôotn, den Angelsaksischn keunink van Wessex, en van Ealhswith van de Gaini. An heur zestien joar trouwde ze me Boudewyn II, den twiddn groaf van Vloandern.

Ælfthryth van Wessex
868-929
Gravinne van Vloandern
Periode884-918
VôorgangerJudith van West-Francië
IpvolgerAdele van Vermandois
VoaderAlfred den Grôotn
MoederEalhswith van de Gaini
Ingeland ounder Alfred den Grôotn (871)

In 884 kwam Boudewyn II nor Ingeland, vo te klappn me zyn toekomstign schonvoader. Ingeland en Vloandern han ol e hêel ende e goe contact, in verband met hunder verweir teegn de Vikings. Alfred was uutgegroeid tout êen van de machtigste keuniengn van dien tyd, achter dat ’n de Vikings in 878 verpletterd had.

Boudewyn was styf content dat ’n mocht trouwn me zyn dochter Ælfthryth. ’t Huwelik gaf ’t groafschap Vloandern vele prestige en zorgde vor e belangryk politiek boundgenôotschap, die nog lange zou bluuvn deurn me de loaknindustrieë.

Alfred zag Boudewyn ook styf zittn, omdat ’n de klêenzeune was van Karel den Kletsn, en dus e Karolienger. Boudewyns moeder Judith was zelfs getrouwd gewist met Alfred ’s voader Æthelwulf en loater ook me zyn broere Æthelbald.

Boudewyn stierf den 10stn september 918 en z’han hem in d’abdye van Sint-Bertyns in Sint-Omoars begroavn, neffest zyn voader Boudewyn met den Yzern Oarm. Mo Ælfthryth wilde loater per se neffest heur vint begroavn zyn. Van de monnikn van de Sint-Bertynsabdye mochtn der gin vrouwn binn, ook nie on ze dôod woarn. Doarom liet z’hem overbriengn no de Sint-Pietersabdye in Gent, woa da ze zelve ook begroavn is.

Heur jounges bewerkn

Ælfthryth ha vier jounges me Boudewyn:

Heur vint had ook nog ’n ounwettige zeune: Albert, bisschop van Parys