Butstekkers

(deureverweezn van Aalscholvers)

Butstekkers of aalscholvers (Phalacrocoracidae) zyn e familie van 41 soortn woaterveugels van d' orde Suliformes.

't Zyn redelyk groote veugels die 0,35 toet 5 kg weegn met e spanwydte van 45 toet 100 cm. De meeste soortn hèn doenkere pluumn. Z' hèn zwemvliezn tusschn under teens en e langn bek met an de boovnkant 'n hoakvormige punt die uutstèekt over den oenderkant.

Butstekkers zyn viseters en ze vangn under prooie deur te duukn vanof 't woaterippervlak. 't Zyn styf goeie duukers en oender woater dryvn z' under zelvn voort met under pootn en vlerkn. Sommigte butstekkersoortn duukn toet 45 meter diepe.

Butstekkers nesteln under in kolonies roend de zeekust, ip boomn, eylandjes en zeerotsn. Ze zyn te viendn over heel de weireld, uutgezoenderd in deeln van noordelyk Canada, noordelyk Azië en sommigte eylandn in de Stilln Oceoan.

Geslachtn bewerkn

  • Microcarbo (5 soortn)
  • Phalacrocorax (22 soortn, woarvan één uutgestorvn)
  • Leucocarbo (15 soortn)