Adrien Canelle
Adrien Canelle (Marbais, 29 meie 1819 - sterfdoatum nie bekend) was e Belgische graveur uut de 19e êeuwe, gespecialiseerd in lithografie, surtout topografisch werk en portreitn. Over zyn leevn is't er bykan nietnt bekend.
Werk bewerkn
- Litho's vo La Belgique Industrielle (Brussel, 1852; uutg. Géruzet; druk Simonau & Toovey), over de moderne industrie in België van dien tyd met oender andere Val Saint-Lambert in Seraing, de stoasje van La Louvière, Porcelaine Capellemans in Halle, Fayence Boch in Dôornik, hoogovens van Marcinelle en Couillet, de Fabrique de briquettes F. de Haynin in Gosselies, de hoogovens en stoalfabriekn in Seraing, de firma Phoenix & Glenmore in Borgerhout
- Vues de Belgique dessinées et lithographiées par Canelle et F. Stroobant (Brussel, Froment) met oender andere Promenade de la Sauvinière in Luuk
- Albom Souvenir de Blankenberghe (druk Simoneau & Toovey) mè verschillige zichtn van Blanknberge, lyk 't oud stadhuus, 't Grand Hotel des Familles, de Sint-Antoniuskerke en de Casino van 1859
- Albom Souvenir d'Ostende (uutg. F. Claassens, ± 1858) mè verschillige zichtn ip toeristische plekn in Ostende
- Zoo van Brussel
- De Sint-Jozefskerke in Brussel
- Zoo van Antwerpn (druk Simonau & Toovey)
- Sint-Hubertusgalerie in Brussel
- Nationale Schietboane in Brussel
- Défilé van de Burgerwacht ip 9 april 1848
- Binnzicht van de kerke in Woaterloo
- Woatermeuln ip de Stêenweg van Ten Noode in Etterbeek
- Hoogovens van Luuk-Sclessin
- Plechtigheedn en fêestn vo de 25e verjoardag van d' inauguroasje van keunienk Leopold I van 21 toet 23 juli 1856 in Brussel
- Portreitlitho's: J.H. Jonkers, pensionoaris van 't Begynhof in Brussel, Jean-Baptiste Van Mons, groepsportreit en verschillige individuele portreitn van leedn van de Keunienklyke Familie, Johan Rudolf Thorbecke
- Le Musée des Rieurs, albom mè satirische prentn
|
Ofbeeldiengn die ier by passn ku je vien in de categorie Adrien Canelle van Wikimedia Commons. |