Hoofdmenu openen

Een arrest is de beslissienge van een hogere rechter dan dendeen die den êest' uutsprake hè gemakt in een zake.

De beslissienge van een rechter in êestn anleg wordt een vonnis genoemd. De beslissienge van een Hof van Beroep, een Arbeidshof of 't Hof van Cassoasje noemt een arrest.

Een arrest kan een omstreedn vonnis of êerder arrest bevestign, of gedêeltelik of hêelteganstn vernietign. In 't gevol van een vernietigienge beslist de rechter in hoger beroep of cassoasje of dat de zake moe were- of deureverweezn wordn.

Od een arrest woateegn dat er een beroep is ingesteld vernietigd of verbrookn wordt, wordt het mêestol deur den Hoge Road of 't Hof van Cassoasje noar een ander beroepshof verweezn. 't Advies van de rechter wordt in België pas biendend achter de twidde verbrekienge en deurverwyzienge, dus an 't derde hof van beroep.

Uutspraakn van 't Europees Hof van Justitie in Luxemburg en 't Europees Hof voor de Rechten van de Mens in Straatsburg wordn ook arrestn genoemd.