Ascq

Ascq (Nederlands: Ast) es e prochie in Vrankryk in 't Noorderdepartement, o d'ôostkantn van Rysel. Ascq wos e zelfstandige gemêente toet 1970, ton da 't mè Annappes en Flers fusioneerde tout de nieuwe gemêente (ville nouvelle) Villeneuve-d'Ascq. O d'ôostkantn van Ascq lôopt de riviere de Marque.

De Sinte-Pieter-in-Antiochiëkerke

't Vroeger stadhuus van Ascq

Binst de Twiddn Weireldôorloge passeerdn vele Duutsche trings via de stoatie van Ascq. In de nacht van 1 april 1944 wos 't er sabotage teegn e Duutsche marchandisetring. Os represaille wierdn 86 vintn uut 't dorp vermôord deur de nazi's. Die gebeurtenisse wordt de Massacre van Ascq genoemd.

Beziensweirdigeedn

• De Sinte-Pieter-in-Antiochiëkerke dateert van de neegntiende êeuwe, mor goat were tout an de viftiende êeuwe
• 't Vroeger staduus van Ascq
• 't Château Claeys
• Ip't kerkof van Ascq stoat en erdenkiengsmonument mè grafstêen'n van de slachtoffers van de massamôord en ester ôok en perk mè mêer of 50 groavn van de Commonwealth mè gesneuvelde uut de twêe weireldoorloogn.
• 't Mémorial Ascq 1944, e museum oover den massamôord van Ascq

Ofbeeldiengn die ier by passn ku je vien in de categorie Ascq van Wikimedia Commons.