Hoofdmenu openen
Dit artikel es geschreevn in 't Kortryks, en da zou best ozô bluuvn.


Bangkok is e nummr va Johny Turbo en 't goat over verre weggoan up voyage en derover nie content zyn en beseffn dat ier eigentlik nog zo slicht nie is. 't Stiksje over Bangkok zelve goat over 't sekstoerisme in die stee en in hêel Thailand.

Bangkok is êen van de nummers ip den cd Veske Zjever.

Den tekstBewerken

In Brazil, doar lôopn z'ip de plage
Poedelnoakt, juste nen elastiek
Ip de konte een ferme tatoeage
Een hêel klêen doekske bedekt uldre meziek
Moa pas maar ip, van ol 't gêen da ze zeggn
Ik ei gewist, en't lôopt doa niemand blôot
'k a veel beter m'n geld ier doen beleggn,
Dan doa te liggn an da strand lik seukerbrôod
Want 't es doa niet, 't es doa niet, 't es doa mêer of twêe kêers niet
't es doa nul, flauwe kul, ol zêver en gelul
En de madams, zyn madams da nog vinten ein gewis,
't es woar, want 'k ei ôok nog gemis.
In Brazil, 't zit vul met olve zottn
Een speelnd kind, ze skietn dat doar dôod
Hêel den boel is doar ferm an't verkrottn
En zelfs de flieken zoen nog môorden voer un brôod
In Bangkok, doar zyn'ter klêne stretjes
En 't zit doa vul met meiskes van plezier
Nen omaar vo de prys van petatjes
En wisky-cola ze zeupn dat doa g'lik bier
Moa pas maar ip van ol 't gêen da ze zeggn
Ik ei gewist en't es doar niet te zien
'k a veel beter m'n geld hier doen beleggn,
Moar 'k è t verbuust me doar in Touk-Touk rond te ryn
Want 't es doa niet, 't es doa niet, 't es doa mêer of twêe kêers niet
't es doa nul, flauwe kul, ol zêver en gelul
En de madams, zyn madams da nog vinten ein gewis,
't is woar, want 'k ei ôok nog gemis.
In Bangkok, 't zit vul met gele muggen
't es veel verkêer, en 't stienkt noa vorte vis
Ik ga veel lievr noa Gent of noa Brugge
Ge ku nie peizn oe da'k België ei gemis
Ge ku nie peizn oe da'k Vloandern ei gemis
Ge ku nie peizn oe da'k West-Vloandern ei gemis