Dit artikel es geschreevn in 't Ostends, en da zou best ozô bluuvn.

Bjorn Verhoeven (Neerpelt, 8 december 1979) is e Vlamsche radiopresentator.

Biografie bewerkn

Verhoeven studeerde toe an ze 17ste verjoardag an 't Keuninklik Atheneum in Overpelt de richtienge ‘Boekoeden-Informatica’.

Loater zoet'n ochtere studies begunnen an 't H.R.I.T.S Erasmusogeschole in Brussel in d'afdèlinge ‘Mèèster in d'audiovisuele kunstn’. Je zaat in't joar met VRT-journalist Tim Verheyden die juste lik ie ook achter 1 joar zen ochtere studies zoe stopn en ol van den èèste ki is begun werkn in de media.

Verhoeven was in 1985 een èèste ki te oren up de radio osten e kleuter was in't program 'Fluiten op je vingers' op de lokale omroep Radio Signaal . Op de vrage :'Wa wil je loater worden?' gaf't ie als antwoord 'Showbizzman, die platjes droait voe de menschen'.

Die'n utsprake wierd werkelijkeid in 1995 ost'en besliste voe ze'n èèste staptjes te zetn op de Limburgsche radio Holiday. Diezelfste zomer wierd'n gevraagd voe ook programs te maken voe't populaire radionetwerk Radio Contact (België).

Radiocarière bewerkn

Radio Contact

In 1995 dei Verhoeven tegeliekertied programs voe Radio Concorde en voe Radio Contact (België). Zijn losgeloatn stiel en ze zottehedn zorgdn d'ervoorn dat'n 't populair zoaterdagavondprogram Tjakaaaa voe ze rekeninge mocht pakn. Da deed'n toe dat'n in 1999 no VMMa overstepte voe doar voe't commerciële joengerennetwerk TOPradio te presentern.

TOPradio

Verhoeven presenteerde èèst een olf joar lange een zoaterdagachternoenetprogram mo krèèg een voornoenetprogram tuschen te negen en te twoalvn da nie ollène t'oren was op de radio mo ook te zien op t'tv kanaal Kanaal2.

Van 2000 toe 2003 begosten ie met t'èèste SMS request program 'V-Quest' da olle daagn te belustern was van te vuvn 's achternoens toe ten achtn 's avens. In die periode was t'ie ook de vaste presentoater en disc-jockey van de Kanaal2 On-Air Party's die deure giengn in 't Antwerpsche Sportpaleis, Flanders Expo, de Brabanthaln en vele andere grote locoasches in hèèl 't land.

Ie makte ook tegoare me moatn woaroender Regi en Pieter-Jan Verachterd e poar dancehits oender de name The Quest. Die nummeroos wierden zelfst in Italië en Spanje vele gedroaid in de clubs.

3FM

In de zomer van 2001 dei Verhoeven tegoare met den Ollandsche DJ Bart Vandermolen ook e gelegeneidsprogram voe NPS op den Ollandsche zender 3FM: 'De Belgische Nacht'. Ier speeldegen ie als den èèsten ook Belgische artiestn op de Ollandschen omroep zoals De Kreuners, Clouseau, Hooverphonic, en vele andere.

Q-music

Ols VMMa ook in 2001 begost me t'nieuwe Q-music, wierd ie deur de programmaleider van tonne, Bert Geenen en Erwin Deckers gevraagd voe de BBC hitlieste Top of the Pops te presentern, tegoare me zien collega Nathalie Delporte. Die wereldwiede hitlieste wierd in't begun uitgezondn op zundagnuchtend van te negn toe te twoalvn en loater op zoaterdagachternoent van te twoalven toe te driejen.

Referensjes bewerkn