Brouwery
(deureverweezn van Brouwer)
Een brouwery es een bedryf of een bedryfke woadat er bier gemakt (gebrouwn) wordt. Woadat er in 't begun van de 20e êeuwe overre iedere gemêente of parochie nen brouwer ad en der overolst café's woaren, es da sedert 't ende van de 20e eeuw serieus geminderd. Der zyn nu nog een oantal grôte spelers ip de markt, lik InBev, moa in West-Vloandern zyn der nen ôop brouwers die toch weetn t'overleevn, ofwel omda ze specioal bier vo nichemarktn brouwn (lik De Gouden Boom of d'Abdy van Westfleetern) of omda ze met under ne geweune pils sterk stoan in een geogroafisch beperkt gebied (lik Bockor in 't Kortrykse).
Overzicht onafhankelike Vlamsche brouweryen bewerkn
- Van Honsebrouck in Iengelmunster: Brigand, Kasteelbier, St-Louis, Bacchus
- Rodenbach in Roeseloare
- Liefmans (Dentergems) in Dentergem
- Trappist Westvleteren in Westfleetern
- Bockor in Bellegem (Kortryk)
- Bavik in Boavekove (Oarelbeke)
- De Gouden Boom in Brugge: Brugge Blond, Brugse Tripel en Abdijbier Steenbrugge
- D'Olve Moane in Brugge: sedert 2005 weer actief met de Brugse Zot
- Brouwery St-Bernardus in Watou
- Brouwery Strubbe in Ichtegem
- Brouwery Verhaeghe in Vichte (Anzegem)
- Brouwery De Ranke in Wevelgem (veruusd no Dottenys)
Microbrouweryen bewerkn
- Brouwery Van Eecke in Watou: Hommelbier
- De Struise Brouwers in De Panne
- De Dolle Brouwers in Êesn (Diksmude)
- Brouwery De Bie in Loker
Picobrouweryen bewerkn
Gêestlikke drankn bewerkn
- Graanstokery St-Pol in Kortryk
- Wortegemsen citroenjenever in Woaregem
Interne Koppelienge bewerkn
Een redelik volledige lyste van West-Vlamsche brouweryn kan gevoundn wordn in Brouweryn van West-Vloandern.