Bruno Huygebaert
Bruno Huygebaert (Merksem, 6 november 1961 - 24 december 2011) was e Vlamsche journalist die by de VRT werkte.
Leevn
bewerknHuygebaert groeide ip in Borgerhout en je gieng doa noa 't Xaveriuscollege. Je leêrde loater Klassieke Filologie an den Universiteit van Antwerpn en Leuven. Doarachter deêd ie nog 'n extra joar oudheidkunde en kunstgeschiêdenisse. In 1985 hoalde 't ie e master in de klassieke cultuur an den Universiteit van Stellenbosch in Zuud-Afrika. Je weunde in Kontich.
Bruno Huygebaert begost zyn carrière in 't oenderwys en 't bedryfsleevn. In 1990 begost ie als radiojournalist by de VRT.
Huygebaert was dikwils moderateur by debattn over verschillige oenderwerpn lik over de communautaire problematiek in België, de vakboendn en polletiek in 't algemeên, moar ook over steednbouw, informoasje- en communicoasjetechnologie en economie.
Vo zyn carrière als journalist was Huygebaert actief in de 'Vlamsche Bewegienge'. Je was besteurslid van 't 'Taal Aktie Komitee'.
Bruno Huygebaert is oenverwachts gestorvn. Je was nog moa 50 joar.
Publicoasjes
bewerkn- 1995: Splitsen of delen (Standaard Uitgeverie), met oendertitel Naar een federalisering van de sociale zekerheid?.
- juni 2001: Opkomst en val van Lernout en Hauspie (Uitgeverie Houtekiet)
- juli 2006: Het generatiepact (Standaard Uitgeverie), met oendertitel Wat verandert er voor u?