Casimir III van Pooln

(deureverweezn van Casimir III de Grôotn)

Casimir III, bygenoamd: de Grôotn (Pools: Kazimierz III Wielki), ( 30 april 1310 – Kraków, 5 november 1370) was de zeune van keunienk Władysław I de Kortn en van hertoginne Jadwiga van Kalisz. Je was van 1333 tout 1370 keunienk van Pooln en de latste keunienk van 't Huus Piast.

Casimir III
1310-1370
Keunienk van Pooln
Periode1333-1370
VôorgangerWładysław I de Kortn
IpvolgerLodewyk I
VoaderWładysław I de Kortn
MoederJadwiga van Kalisz
Pooln ounder Casimir III. Silezië dat ofgestoan wierd an Boheemn in 't blêek geel.

Casimir III wordt anzien als êen van de belangrykste Poolsche monarchn, van doa zyn bynoame, de Grôotn. J'erfde een verzwakt Pooln deur oorloogn, mo je kost et were sterk moakn deur zyn vele hervormiengn. Ounder hem kende Pooln een echte bloeiperiode. Je liet enorm vele bouwn, o.a. mêer of 40 kastêeln en je stichtte den unief van Kraków, den oudstn unief van Pooln. J'hervormde et Pools leger en je kost de grotte van zyn keunienkryk verdubbeln.

't Congres van Visegrád van 1335 bewerkn

In november 1335 wierd er e congres g'organiseerd in 't keunienklik kastêel van Visegrád, da ton 't polletiek center van Hongareye was. Doa kwoamn Casimir III van Pooln, Jan I van Boheemn en Karel I Robert van Hongareye tegoare vor under conflictn by te leggn. Casimir was akkôord da Jan de Boheemsche soevereiniteit over Silezië zou krygn en Jan gaf zyn ansproake ip de Poolsche krôone ip en verminderde zyn steun an de Duutsche Orde. 't Wierd ook ofgesprookn da Casimir, die allêene mo dochters haad, mocht ipgevolgd wordn als keunienk van Pooln deur Lodewyk, de zeune van zyn zuster Elisabeth en van Karel I Robert.

Ter herinnerienge an da congres is ip 15 februoari 1991 in Visegrád de Visegrádgroep ipgericht.

Vrouwn en jounges bewerkn

Casimir trouwde vier kis. J'ha vuuf dochters, mo gin zeuns.

  1. Aldona Anna van Litouwn in 1325
    1. Elisabeth
    2. Kunegunda
  2. Adelaide van Hessen in 1341 (gin jounges)
  3. Christina in 1363 (gin jounges)
  4. Jadwiga van Sagan in 1365
    1. Anna
    2. Kunegunda
    3. Jadwiga

Je wierd ipgevolgd deur Lodewyk I van Hongareye, de zeune van zyn zuster Elisabeth en van Karel I Robert.