Cello

De cello (kort vo violoncello) is e snoarinstrument van de violefamilie die bestoat uyt de viole, d' altviole en de cello. De cello hèt e speciale klank en e bereik van vier, gemiddeld vuyf, somtyds zelfs zes octoavn.

Oenderdeiln van e cello

De cello is oengeveer 120 cm lank. 't Instrument is bespann mè vier snoarn die van leige noar hoge zyn gestemd. Ze loop'n vanof 't steirtstik over de kam noa de stemknop'n vanboovn oender de krulle. De kam ligt tusschn de twèe klankgoat'n. 't Stemn gebeurt met de stemsleutels vanboovn of met de fynstemmers an 't steirtstik.

't Instrument wordt ip de juste speelhoogte gebrocht deur 't uytschuyvn van de steirtpinne an d'n oenderkant. De cello wordt geweunlyk al zit'nd bespeeld met e strykstok, met de pinne die steunt ip de groend.