Chiro

De Chiro is e jeugdbewegienge die in Vloandern ougeveer 1000 platselikke ofdêliengn et, woamei da 't de grotste jeugdbewegienge is (ol beweirn de scouts dat ouk wel). In de Woaln bestoat er e gelykoardige organisoasche, de Patro. Die noame toogt nog dudelikker van woa dat de Chiro ôorsprounkelik komt, uut de patronoatn.

Missie en uutleg

Chiro wult mêer doen dan ieder twêe weekn de zundagachternoune sport en spel anbiedn. 't Droait byn de Chiro round 3 boasisweirdn: geirn zien, innerlikeid en rechtveirdigeid.

Structuur

Verbound: de provinsche
Gewest: verênigienge van sommigte Chiro's binn en verbound
Platselikke ofdêlienge

Leeftyd

De mêeste Chiro's werkn vanof 6 of 8 joar en mêestol in verschillnde leeftydscategorieën:

Ribbels (6-8) kapoentjes( jongens)
Speelclub (8-10,van speelklub (nie in olle ofdêliengn, ouk oltemets andere noame)
Rakwi's (10-12, van rakkers (jounges) en kwiks (misjes))
Tito's (12-14, van toppers (jounges) en tippers (misjes))
Keti's (14-16, van kerels (jounges) en tiptiens (misjes))
Aspi's (16-18, Aspi's (jounges en misjes))
Leidieng (18+, bereidn de activiteitn vôorn)

Uniform

Sedert 1995 bestoat er e standoard uniform

Beige kortn brouk (of roksje by de misjes)
Rôon T-shirt
Blauw hemde

West-Vloandern

In West-Vloandern bestoat er Chiro in de mêeste gemêentn, ollêne in de gemêentn Koksyde, Mêesn, D'n Oane, Lô-Renieng, Spiere-Elkyng en Zuunkerke is er gin Chiro.