Continentoal plat

Een continentoal plat is 't dêel van een continent dat ounder woater stoat. Azo makt de Nôordzee in zyn gehêel dêel uut van 't continentoal plat van Europa. In d' Ystydn laag de zêe zo'n 200 meters lêger dan nu, wa da betêkent da 't mêrendêel van wa da nu 't continentoal plat is, ton droge laag.

Schemoatisch overzicht van den overgank tusschn 't continent en den oceoan

't Punt woarup dat de zêebodem olmetêens scherp noa beneen goat is de grenze van 't continentoal plat en wordt de continentoale hellienge genoemd. Ol de continentn up d' eirde hèn een continentoal plat, moa de brêedte verschil nogol, met een gemiddelde van 75 kilometers wa da in sommigste plekkn toet 1500 kilometers loopt. Over 't olgemêen is 't continentoal plat brêed round Eurazië en nauwe round Amerika en Afrika.