De Standaard
De Standaard is e Vlamsche gazette uutgegeevn deur Corelio.
Typerienge
bewerknDezelstn uutgever briengt ook Het Nieuwsblad en Het Volk uut. De Standaard ounderscheidt er em van deur mêer uutgebreid nieuws over polletiek en buutnland te briengn, en minder over sport, regionoale feitn of sensoatie.
Olgemêen weird De Standaard, tôpe met De Morgen en De Tijd geklasseerd ounder de kwaliteitsgazettn van Vloandern. Dat oudt in dan ze meer artikels en analyses briengn over under hoofdounderwerpn lik polletiek, buutnland, cultuur of economie.
Ideologisch gezien komt ze uut ne katholiekn en Vlamsgezinden oek. Moa sichtent da de gazette in de joarn '90 et motto AVV-VVK (Alles voor Vlaanderen, Vlaanderen voor Kristus) up eur voorblad eit loatn volln, voart ze en minder uutgesprookn Vlams-nationoalistische koerse.
Geschiedenisse
bewerknD'êeste editie kwoam uut in 1918. In 1940 binst den oorlog, stopte d'uutgevery 't uutbrengn van De Standaard. In 1947 kwam ter were e gazette uut. Va 1998 tot 2006 was de West-Vloamieng Peter Vandermeersch ôofdredacteur.
Vanaf moarte 2004 krimpt de gazette van ulder indeliks broadsheet formoat noa 'n praktischer tabloid-formoat. Ip 23 april 2007 wordt de layout van de gazette hêlegans erdoane en gemoderniseerd om beter an te sluutn ip ulder website die styf goed g'organiseerd is.