De Walle

De Walle (Frans: La Motte-au-Bois) es en dorptjen in de Fransche gemêente Moerbeke in't Noorderdepartement. 't Ligt in Frans-Vloandern in't Outland, ip apeupri vier kilomèiters anden ôostkant van't dorpscenter van Moerbeke, ip de boane van Oazebroeke na Meregem, temiddn 't Niepebus.

't Woapn van De Walle

Geschiedenisse

De noame van't dorptje komt van de feodoale motte, nen artificiël angeleydn èirdn heuvel, woarip der in de middelêeuwn e kastêel wierd ipgericht. 't Kastêel wierd in den elfdn êeuwe ebouwd deur groaf van Vloandern Robrecht I de Fries. 't Roundgeleegn Niepebus diende lyk jachtdomeyn vo de groavn. In 1164 verbleef Thomas Becket, den tonmoalign oartsbisschop van Canterbury, in't kastêel. 't Kastêel wierd verwoest deur teffrente oorloogn en ip't ende van de zeevntiende êeuwe wierd et heripgebouwd. Ip't ende van de achttiende êeuwe wierd De Walle by de gemêente Moerbeke gevoegd.

Bezienswoardigeedn

• De Sint-Thomas van Canterburykerke uut 1828, waarin der e relikwie van Thomas Becket wordt bewoard
• 't Kastêel uut de zeevntiende êeuwe, die ip de plekke stoat van't middelêeuwse kastêel van de groavn van Vloandern

De Sint-Thomas van Canterburykerke