Delaware


Delaware (DE) is e stoat in de Mid-Atlantische regio in 't oostn van de Verenigde Stoatn. D'n hoofdstad is Dover.

Delaware in de Verenigde Stoatn van Amerika

Bynoamn zyn First State, Small Wonder, Blue Hen State en Diamond State. De stoat is vernoemd noa de Delaware-riviere. De noame komt van Thomas West (Lord de la Warr), die d'n eeste kolonioale gouverneur van Virginia was.

De stoat Delaware besloat 6.452 km², woarvan 5.068 km² land. 't Grenst in 't zuydn en 't westn an Maryland, in 't noordn an Pennsylvania en in 't oostn an New Jersey en d'n Atlantischn Oceoan.

HistorieBewerken

't Gebied die nu de stoat Delaware vormt, wierd oorsproenkelyk bevolkt deur Lenape-indioann. Deur Europeesche kolonistn wierdn z' ook 'Delawares' genoemd. Zowel Hollanders of Zweedn vestigdn hunder doar in de 17e eeuwe, moar achter 1682 maktege 't deel uyt van d' Yngelsche kolonie Pennsylvania.

An 't begun van d' 18e eeuwe splitstn drie counties hunder of weegns e gestemde anti-sloaverniewet in Pennsylvania en ze vormdegn t'hope de kolonie Delaware.

Delaware was één van de dertien kolonies die in d' 18e eeuwe, binst d' Amerikoansche revoluusje, in ipstand kwoamn teegn de Britsche overheersynge. De 7e december 1787 woarn ze d' eeste die de groendwet ratificeerdn, vandoar hunder bynoame First State.

GeografieBewerken

Delaware is de twèede klèinste stoat van de Verenigde Stoatn achter Rhode Island. 't Vormt t'hope met de Eastern Shore-counties van Maryland en twèe counties van Virginia 't Delmarva-schiereiland, e groot schiereiland die uytstrekt langst de Mid-Atlantische kust.

De belangrykste riviere is de Delaware-riviere, die de grenze mè New Jersey vormt.

 
Hoofdstad Dover