Discuusje:Karel Van Mander

Rechtvoardigt Mullebeeks ol die jin, ljirliengn,...? De standoardspellienge is êen en etwien van Mullebeke got dadde egliek wel juuste leezn? Meuzel

'k Vinne de êen goe genoeg, moa lik dajje ziet in Kortryks eit nie iederêen het zelste gedacht. Met den originelen auteur eit er nôois gin discussie gewist over het SV.

Da artikel stoat, lik vlas en vlasbewerkienge, ip myn lyste voe te SV'n. (k'Ei ôok nog ne serie foto's van Mullebeke en Van Mander) Moa ge moet doarom unen oasm nie ipoudn tot da't gedoane is; da zoe kunn styf slicht zyn voe de gezondeid. --Foroa 28 nov 2007 14:32 (UTC)

De bedoelinge van 'n artikel is toch da je 't vlot leest en dat iedereen 't verstoat. 'k Verstoan dus nie dat in 't Ostends "zyn" were "zien" (kykn) geschreevn is en "by" were "bie" (beestje). 'k Kenn veel Ostendenoars moa 'k èn da nog noois een azo oorn zeggn. En os 'n streekpatroon ollene moa dient vo te kunn schryvn lik da je wilt, wordt er gin rekeninge g'oudn met de lezer en vroag 'k myn of woa da me mee bezig zyn.--Pastel 28 nov 2007 15:34 (UTC)

Bwa, van da voorbeeld kuje zegn da 't heteroniemn zyn, mo tis inderdoad verwarrend. 'k Basere myn doavoren ip meneigen spellieng voor dak ier toekaamn.. Jack the Stripper 28 nov 2007 15:45 (UTC)

Woarom moe je 't gemakkelik moakn os 't ook moeilik kan!?!...:-)--Zeisterre 28 nov 2007 16:39 (UTC)

Nie ol te druk inne moakn: de lokoale spelliengn ein de neigienge styf verschillnd te zyn in 't begun, moa achter n'endeke convergeern ze toch noa 't SV. En 't es op zukke bloadn dat'er vele begunn en ulder surtout druk moakn over de misse spellienge van de streekgenootn. M'ein da styf gezien voe 't Brugs; g'oad gepeisd da Brugge 100 km lank wa me 15 verschillnde dialectn en drie klassn van inweuners (echte center, echte buutnkant en immigrantn), moa dat schynt gestabiliseerd te zyn nu. --Foroa 28 nov 2007 16:44 (UTC)

Moar ier ist er sproake van 't tegenovergestelde. 't Stond in 't SV en 't wordt weregedroaid noa lik dat 't vroeger was. Azo kan 't nog lange deurn.--Pastel 28 nov 2007 17:13 (UTC)

Karel den Goein?

De verwyzienge noa Karel den Goein goat verzekers nie juuste zyn want dedien es geboorn in de elfste eeuwe. Moe da nie Keizer Karel V zyn? --Patrick 20 jun 2008 21:30 (UTC)

'Karel den Goein' is zéker mis. Me goan an den oorsprounkelikkn schryver of etwien van Mullebeke moetn vroagn over wien dat 't goat.--Pastel 20 jun 2008 22:26 (UTC)