Bartholomeus

Goedndag Bartholomeus. K'zie wel dajjer der goeste in ei.

Wel efkens ippassen, die infobox diengen zin macro's (template) en oaje doarinne veranderd, ton estie om zêpe en werktie nie mêe.

Om al te vele conflicten te vermien ein we het Standoardvlams moeten vastleggen omdatter anders te vele tegenstelliengen woaren (categorien, noamen van artikels) en ôok om de "look en feel" wat uniformer te kregen. In 't begin woaren der gêen regels beholve dat de g als h geskreven wird, moa da's verleden tid. (Oaje in de standoard vlams definitie rondneust ton goaje de geschiedenisse dervan zien en goaje zien dat dadde nie in êen, twêe, drie gegoan eit.

Oaje jen locoal dialect wilt skriven, ton moejer zoanne template {{plat|Mullebeeks}} inzetten lik dak gedoan eine in Mullebeke.

t' Amusement en ik peize dajje êeste wirk es om diene infobox te repareren. Zô lêerdje t'ôok.--Foroa 16:51, 17 november 2006 (UTC)

Je kan je handtekening zetten met time stamp door op het voorlaatste icon boven je edit/bewerk venster te drukken. Dit voegt twee streepjes en vier tildes --~~~~in die gexpandeerd worden bij het opslaan. --Foroa 17:21, 17 november 2006 (UTC)

Vlasverwerkienge

kei echt genoot'n van unen tekst over Vlasverwerkienge, t'êenigste wa da'k zoe doen es em een bitje anpassn an't SV. Wa peisd--D-rex 16:52, 19 november 2006 (UTC)je gie?

Merci da je d'r van genootn eit. De overleviengskansn van vlasverwerkers is min thesisonderwerp gewist, doamee da da mie wel interesseerd ol die vlas-diengn.

De toale skrivn is inderdoad nie gemakkelik. Ik e ton wok gin toalerichtienge of azô gedoan dus al die begripn over diftoengn zegn mie vrji winne... 'k Kanne ollik aljinne min beste doen nji? Sommete diengn zin mie wel nie hjil duddelik: Meudje nu in j'eign streektoale skrivn of nie? De minne is mee SK in plekke van SCH en bie de lange OO ist mjistoal gelik dat er ne W tusn weir gesmeetn ('t Nwordn, d'wogte,...). Wuk doe me mee de G en H eignlik? t'Onbreekn van de G in't West-Vlams is toch eignlik wel't grwotste kenmerk van oeze toale? Ik zwo lik jirder geneigd zin om d'r ne H te zetn... Mo ja, we keun doar verzeekre nog lange over palloavern...

Mee de beste coplementn --Bartholomeus 19:19, 20 november 2006

da des't vôordêel e, o je vind dat unen tekst typisch es voo de kortrikse regio, zet e der nen template boovn, ik ben ôok geneigd om het kortriks te noemn, wat da de toale betreft, ge moet ne kêe de consensus leezn dawwe bereikt ein (SV1.1): 't komt er als volgt ip neere:

• schrif sch, gin sk (een toegeevienge van de kortrikzoanen)
• nwoordn => nôord'n
• hjil => hêel
• 'g' schrivn als g, omdat anders de tekst'n wa onleesboar weirden (iederêen wit toch da we da utspreek'n als 'h'
• 'h' schrivn we nie.

Moa zit gerust: ge doe ta vrêe goe, vinnik --D-rex 18:36, 20 november 2006 (UTC)

Moderne Vlasverwerkienge

Zeg Bartholomeus, 'k vinne dajje da stif goe gedoane eit, moa 'k zoek nog spoorn van wa datter nu nog gebeurd.

'k Ei g'ôord datter in Wevelgem nog volip boasis verwerkienge es van vlas, moa da't procedé stif versimpeld es: zoain en groein, dauwrôten, drôgen ip 't land, iprollen in sesissen (lik 't ôoi), ton in de massine die't bôot, repelt en zwiengelt (mêer dan 600 kelo per eure) en basta. Ze zeggn dat' gêen stif skôon vlas niemêe es datter eutkomt, da't grouw es lik en padde.

Ei gie mêer informoatie en noamn van bôiten die da nu nog doene (in Wevelgem, 't er zat vroeger nog êen in Oarelbeke (die reed vroeger me ne Lancia Thema Ferrari moa 't es ol dakker van wete). ?

Bedankt. --Foroa 11:59, 23 januoari 2007 (UTC)

Sorry vôo de vree loate reactie, moa ip't werk is't vôo de moment nogol druk... Vôo zoverre da'k mie nog herinnere, zin d'r ollik nog verskillende fabrikskes die basisvlasverwerkienge doen. Dien wô da je 't gie over eit, is verzekers Albert Brille (de grôotstn van de streke). In Ardoôie (Debruyne) en Moôsle (Castellins) ei wok nog grôte bedrivn. Vele over die bedrivn goa je nie were vindn ip't internet, peisk. Ôk mine thesis skreeve, eik stif moetn zoekn achter infermoatie. 't Gemakkelikste is ne keêr uwe lucht ipsteekn bie't Vlasverbond in de Oude Vestingsstraat 15 in Kortrik. Ge keut doar trouwns wok minne thesis vindn ;-) Allee, 't è 't oopn da je d'r e twuk mee keut doen en ôk kik nog e bitje tid vinne, goa'k mie were ip de Wiki smitn zè.

Vele groetn --Bartholomeus 17:51, 24 februoari 2007 (UTC)