Duunkerke transgressies
De Duunkerke transgressies zyn periodes van grote stormvloedn die begunn zyn in de twidde eeuwe v.C. Z'èn en belangryke rolle gespeeld by de vormienge van de Vlamsche Kust en die van Noord-Vrankryk en Olland.
Transgressies zyn periodes woarin da de zee vo langern tyd land verovert. Da gebeurt deur grote stormvloedn die de zee landinnewoars sloan. Deur d'overstromiengn veranderde de kustlyne anzienlik, want d'r ountstoan langsn de kustvlakte grote geuln of kreekn die zout zeewoater diepe landinnewoars briengn.
Transgressieperiodes
bewerkn
D'r zyn drie transgressieperiodes gewist.
- Duunkerke I deurde van de 2e eeuwe v.C. tout de 1e eeuwe n.C.
- Duunkerke II deurde van de 4e eeuwe tout de 8e eeuwe n.C.
- Duunkerke III es begunn in de 11e eeuwe en es nu nog bezig
Tusschn die transgressies kreegn me periodes van regressie.
Achteroalde visie
bewerknDe Duunkerke transgressies zyn anziene lik en achteroalde visie vo de vormienge van de Vlamsche en d'Ollandsche kust uut te leggn. Studies toonn an dat der gin gefaseerde transgressieperiodes zoundn gewist èn moar da d'ountwikkelienge geleidelik an gebeurd zou zyn.[1][2]
Moar da nimt nie weg dan de Duunkerke transgressies nog osan under belang èn, want veel bestoande literateure verwyst der nog noar.
Bronn
bewerkn- ↑ Mulder, E. de, Geluk, M.C., Ritsema, I., Westerhoff, W.E., Wong, T.E. (eds) (2003): De ondergrond van Nederland. Geologie van Nederland, 7: 379 pp. HIERIN: pags 211-246, hoofdstuk 4 (Weichselien-Holoceen: p. 312-317, 329-335, 345-352)
- ↑ Henk Berendsen (2004): De vorming van het land, Inleiding in de geologie en de geomorfologie, Koninklijke Van Gorcum, Assen, 90-232-4075-8, 9.6 Historische ontwikkeling van het inzicht in de genese van de kustvlakte, p. 243-247