Duuts militair kerkof Vlazêle

't Duuts militair kerkof van Vlazjele is e militair kerkof in de Belgische provinsje West-Vloandern. Der liggn 25.638 Duutsche soldoatn uut den Êesten Weireldôorlog. 't Ligt in 't Praatbus, tussn Vlazêle-centrum en De Mokker in.

't Treurend ouderpoar van Käthe Kollwitz

Ip 't kerkhof stoan de stêenn beeldn van 't Treurende Ouderpaar, gemakt deur de Berlynse kunstnaresse Käthe Kollwitz voer eur 17-joarige zeune Peter, die de 23sten oktober van 1914 sneuvelde in 't vlakby geleegn Êesn. 't "Trauerndes Elternpaar" toogt e voader en e moeder, die elk apart kapot goan van 't verdriet. E bitje vodder ligt 't graf va Peter Kollwitz.

De Duutsche grafstêenn zien d'r anders uut dan d'Iengelsche: ze liggn plat, ze zyn grys en van graniet, en zounder versierseltjes.

't Kerkhof wordt ôok bezoengn deur Willem Vermandere in ze nummer "Vladslo".

Externe koppelienge

• 't Duuts militair kerkhof van Vlazêle ip Inventaris Bouwkundig erfgoed

Ofbeeldiengn die ier by passn ku je vien in de categorie Deutscher Soldatenfriedhof Vladslo van Wikimedia Commons.