Etienne Van Audenaerde

Etienne Van Audenaerde (Blanknberge, 11 november 1938) is e zwemmer die ’t kanoal van Frankryk noar Ingeland et overgezwommn in 16h32 min.

Van Audenaerde is lid gewordn van de Blanknbergsche zwemverênigienge kort achter de twidde Weireldoorloge. Je krêeg zyn êerste zwemlessn van oud scheepn Julien Vandermarliere.

Ost ’n twoalf joar oud was dêed ’n al mee an de 5 km Damme-Brugge in de Damsche Voart.

Omda de Blanknbergsche zwemverênigienge in de joarn 1950 nie mi mocht zwemmn in ’t stiksje voart tusschn de scheurpit en de Blanknbergsche voart zyn ze e dêelclub van Brugge gewordn. Begun 1970 is de club were ipgesticht in ’t Blosocentrum in ofwachtienge dat de werkn gerêed woarn an ’t nieuw "Noordzeebad". Van Audenaerde is ton één van de trainers gewordn van de zwemclub en in 1975, os ’t nieuw zwembad opengienk, mocht ’n als kanoalzwemmer ’t zwembad als êerstn inzwemmn.

In 1973 krêegt ’n, ounder impuls van zyn broere Danny, ’t gedacht van ’t kanoal tusschn Frankryk en Ingeland over te zwemmn. Je trainde twi joar lank, dikwils vuuf eurn per dag. Ip 2 augustus 1975 is ’t em gelukt by styf slicht weer in 16h32 min. Je was den 128stn in juste 100 joar kanoalzwemmn. (den êerstn was Matthew Webb ip 1 augustus 1875 in 22h20 min.)

Etienne Van Audenaerde is hoofdtrainer van de zwemclub van Blankenberge.

Van Audenaerde-bad

Ip 27 april 2024 was d' officiële openienge van "De Sportdoze", e nieuw sportcomplex in Blankenberge, met e nieuw zwembad en omnisportzoale. 't Nieuw zwembad krêeg de noame "Van Audenaerde-bad", ter êre van Etienne Van Audenaerde.