European College of Sport Science

't European College of Sport Science - ECSS is e sportweetnschappelikke verênigienge, met de bedoelienge vo weetnschappelikke kennisse uut te wisseln (Share your knowledge).

Stichtienge bewerkn

De verênigienge is in 1995 gesticht in Nice (Frankryk) vo weetnschappelikke informoatie vanuut Europa te verzoameln en te verspreidn.

Doelstellienge bewerkn

't ECSS is de belangrykste sportweetnschappelikke verênigienge in Europa en probeert zo vele meugelik tegoare te werkn met andere verênigiengn buutn Europa. 't Is de bedoelienge van 't ECSS vo weetnschap en onderzoek te promootn en an interdisciplinair sportweetnschappelik onderzoek te doen in Europa en de weireld.

Functie bewerkn

Het ECSS ondersteunt d'Europeesche instelliengn lik d'Europeesche Gemêenschap, deur weetnschappelik advies en ondersteunienge te geevn an Europeesche en andere onderzoeksprojectn. Doaby is 't ECSS 't belangrykste Europees netwerk vo sportweetnschappers uut de verschillige relevante disciplines.

Lidmoatschap bewerkn

By 't ECSS kunn sport- en andere weetnschappers individueel lid wordn. De vôordêeln van 't lidmoatschap zyn: verminderd inschryviengsgeld ip congressn, een groatis abonnement ip 't European Journal of Sport Science (EJSS), de ECSS nieuwsbrief en email nieuwsbrievn. De leedn en een (universitair) diplom uut de verschillige domeinn van de sportweetnschappn.

Congressn bewerkn

Sedert de stichtienge in 1995 wordt er joarliks e congres g'organiseerd. D'r kommn sportweetnschappers noa toe van over hêel de weireld. De volgnde congressn zyn in Oslo, Nôorweegn (2009), Antalya, Turkeye (2010) en Liverpool, Verênigd Keunienkryk (2011).

Administratieve Zetel bewerkn

D'administratieve zetel van 't ECSS is te viendn in de Duutsche Sporthogeschole van Keuln.

Externe koppeliengn bewerkn