Fôre

Dit artikel es geschreevn in 't Brugs, en da zou best ozô bluuvn.

Een fôre is een verzamelienge van attraksies die ip bepoalde tydstippn in 't joar g'oudn wordt. De fôre wor gemakt deur de fôorkramers.

Klassiek' attraksies ip een fôre zyn de pêerdemeulen, de boksottoos, kraams me grypers vo spekken of teddybêren te pakken, 't schietkraam, 't viskraam, 't spookkot, de paraplu, de roetsboane, kraams wo da je oengelooflik rap en oge roendgedroaid wordt en ton nog de kraams wo da je barbapapa's, oliebollen of boels, pom d'amoers en andre friet- en amburgertoestandn ku krygen.

In d'Alln (Xpo) van Kortryk est er rond kestdag en ôverdekte en verwarmde fôre.

Fôorn in West-Vloandern

De bekendste fôorn in West-Vloandern zyn:

de Meifôre in Brugge
de Poasfôre in Kortryk
de Poasfôre in Diksmude
de Carnavalfôre in Blanknberge
de Kattefôre in Yper
de Boetefôre in Veurne
de Koersefôre in Woaregem
de Oktoberfôre in Ostende
de Kestfôre in den Xpo van Kortryk