Filip Dewinter
| Dat artikel ier is nog moa e klêen begun. Ge zyt g'inviteerd vôor ip bewerkn te klikkn vo mêer encyclopedische kennisse toe te voegn. | 
|
Philip (Filip) Michel Frans Dewinter (Brugge, 11 september 1962) is e West-Vlamsche polletieker van 't Vlaams Belang en vodiën van 't Vlaams Blok.
Binst zyn schooltyd an 't Sint-Franciscus-Xaveriusinstituut in Brugge begost Filip Dewinter hem t' interesseern vo de Vlamsche stryd en je kwam actief in de polletiek. Je richtte in 1978 an zyn zestiën joar de Vlaamse Scholieren Actie Groep ip en veranderde in 1979, t'hope mè jeugdmoat Frank Vanhecke, de noame in Nationalistisch JongStudentenVerbond (NJSV). In september 1982 verhuusdeget ie noar Antwerp'n vo polletieke en socioale weet'nschapp'n te goan studeern an d' Universitaire Faculteiten Sint-Ignatius Antwerpen. Je kwam doa lid van d' Antwerpsche NSV-ofdêlynge.
In 1981 kwamt ie lid van 't Vlaams Blok. In oktober 1985 wierd Dewinter vo die partië verkoozn toet provinsjeroadslid van Antwerp'n. Je wierd fracsjevôorzitter en je blêef in de provinsjeroad zeteln toet in december 1987. Van 1987 toet 1990 wast ie d'n êeste vôorzitter van Vlaams Blok Jongeren. In december 1987 wierd ie vo 't arroendissement Antwerp'n verkoozn in de Koamer van volksverteegnwoordigers, woar dat ie blêef zeteln toet in 1995. Doadeure wast ie van 1988 toet 1995 automoatisch ook lid van de Vlamsche Road, woar dat ie in 1992 Vlaams Blok-fracsjevôorzitter kwam. Achter de kiëzynge van 1995 makteget ie d'n overstap noa 't Vlams Parlement en je blêef doa zeteln toet in 2014. Je was van 1995 toet 2012 fracsjeleider vo Vlaams Blok/Vlaams Belang. De Winter is sedert 1995 gemêenteroadslid in 't stadsbestier van Antwerp'n.
|
Ofbeeldiengn die ier by passn ku je vien in de categorie Filip Dewinter van Wikimedia Commons. |