Frans II (HRR)

Frans II (HRR) of Frans I van Ôostnryk (Florence, 12 februoari 1768 – Weenn, 2 moarte 1835), van 't Huus Habsburg-Lotharingen, was den oudste zeune van keizer Leopold II.

Je was as Frans II de latste keizer van ’t Hillig Rôoms Ryk. 't Was en ende an gekommn ounder druk van Napoleong, achter 't verlies van de Slag by Austerlitz binst de Derde Coalitieoorloge teegn 't Frans keizerryk.

Je stichtte in 1804 't keizerryk Ôostnryk en je kwam Frans I, den êeste keizer van Ôostnryk.

Loater wierd ie den ênigste Doppelkaiser (dubbele keizer) in de geschiedenisse genoemd.

Je trouwde vier kêers.

Me zyn twidde vrouwe prinses Maria Theresia van Bourbon-Sicilië had ie twoalf jounges w.o.:

• Marie Louise van Ôostnryk (1791-1847), getrouwd me keizer Napoleong Bonaparte
• Ferdinand I (1793-1875), keizer van Ôostnryk
• Frans Karel (1802-1878), voader van keizer Frans Jozef I, van keizer Maximiliaan van Mexico en van Karel Lodewyk, de voader van Frans Ferdinand die ip 28 juni 1914 vermôord wierd. Die môord was êen van d'anleidiengn vo ’t begun van den Êestn Weireldoorloge.

Zyn zeune Ferdinand volgdeg' hem ip.

Ofbeeldiengn die ier by passn ku je vien in de categorie Francis II, Holy Roman Emperor van Wikimedia Commons.