Gebied van Broca

't Gebied van Broca of 't center van Broca is een dêel van d' hêssens genoemd achter hunder ountdekker, Paul Pierre Broca, en stoat ook bekend as 't motorisch sproakcenter (in tegenstellienge met 't sensorisch sproakcenter in 't gebied van Wernicke). 't Gebied van Broca beviendt hem in de lienkse frontoale kwabbe.

De gebien van Broca en Wernicke in d’ hêssens.

Een mankement of schoa an 't gebied van Broca kan motorische afasie (ook gekend as afasie van Broca) verôorzaakn. Patiëntn met een stôornisse in die streke van d' hêssens hèn probleemn mè spontoane sprake gelik 't achterzeggn van woordn of zinn'n, en de sprake kan haperend klienkn. Een ander symptoom kan agrammatisme zyn woarby dat een mens probleemn hèt mè de grammaticoal' aspectn van de toale, en da verergert noarmoate dat de zinne langer en ingewikkelder wordt.

Ofbeeldiengn die ier by passn ku je vien in de categorie Broca's area van Wikimedia Commons.