Genteleroute
De Genteleroute is e lusvormige, uutgestippelde veloroute van 33 km lank, die deur 't landelik Poldergebied lopt tusschn Blanknberge en Brugge.
Routebeschryvienge
bewerknDe route begunt an 't VVV-bureêl (dienst vo tourisme) teegnover de stoatie van Blanknberge en lopt langs de êeuwenoude Blanknbergschn dyk in 't typisch Polderlandschap. Dien dyk, die vroeger Gentele noemde, makte dêel uut van e dyksystème, die 't achterliggend gebied most beschermn teegn de zêe. De route is hêlegans bewegwyzerd en lopt via de polderdorpn Uutkerke, Zuunkerke, Meetkerke, Houtave en Nieuwmunster.
Beziensweirdigheedn
bewerkn- De St-Michielskerke in Zuunkerke. 't Kerksje is heripgebouwd in 1609. Allêne de torre is een overbluufsel van de Romoansche kerke uut de 12e êeuwe.
- De Grôte Poldermeuln over de Blanknbergsche voart in Meetkerke. In 't gebied de Meetkerksche Moere wierd er vroeger turf gestookn tout da 't ounder de zêespegel kwam te liggn en ounder woater liep. De Grôte Poldermeuln zorgde vo 't wegpompn van 't woater noa de Blanknbergsche voart. De Moere is e gekend gebied vo woater-en weideveugels.
- De kerke van Meetkerke mè 't "miraculeus" Mariabeeldje.
- De kerke van Houtave mè volkskunst uut de 17e-18e êeuwe.
-
Blanknbergs Varretje in Meetkerke -
Polderlandschap in Nieuwmunster
