Gewest (België)

België is e stoat die bestoat uut drie gemêenschappn en drie gewestn. De gemêenschappn en e toal-culturele oorsproung, de gewestn en ruumtelik-economischn.

De drie gewestn:
groen=Vloandern
rood=Wallonië
blauw=Brussels Gewest

Een gewest es een groat dêel van e land mè eign bevoegdeedn. In België vollen de grenzn van de gewestn tôope me de toalgrenzen, mo der zin oak gemêenten me faciliteitn. Der zyn drie gewestn:

• Het Vlamse Gewest (Vloandern), bestoande ut de vuuf Vlamse provinsjes
• Het Woalse Gewest (Wallonië), bestoande ut de vuuf Woalse provinsjes: let wel, der es een kliène Duutstoalige minderheid in da gewest.
• Het Brussels Oofdstedelik Gewest, dat twiètoalig es, en nie bi e provinsje es.

De Vlamse Gemêenschap volt soamen met het Vlamse Gewest, moar de Franske Gemêenschap volt nie hêlegans toope met het Woalse Gewest, want der es oak e Duutstoalige Gemêenschap in 't Woalse gewest.

Deur een typiske Belgische constructie zittn der gemêentn me veel Franstoaligen by het Vlams gewest (Voern bevoarbeeld), binst dat er oak gemêenten me veel Vlamstoaligen (Koomn bevoarbeeld) nu dêel uutmoaken van het Woalse gewest, binst danze vroeger bi e Vlamse provinsje hoarden. Dat eit ol voor veel probleemn gezorgd.

Zie ook

• Gemêenschap (België)

Externe koppeliengn

• Gewestn ip belgium.be