Gianni Bugno (Brügg, Zwitserland, 14 februoari 1964) is 'n Italioanschn ex-coureur.

Gianni Bugno in de Tour de France, 1993

Bugno begost zyn carrière ols beroeps in 1985. Je wierd twèe keirs weireldkampioen, in 1991 en 1992. Je won vier koersn die meeteldn vo de weireldbeker: Miloan-San Remo en de Wincanton Classic in 1990, de Clásica San Sebastián in 1991 en de Roende van Vloandern in 1994.

In 1990 won Bugno 't endklassement van de weireldbeker. Da joar won-t-ie ook de Roende van Itoalië. In de Tour de France endigde-t-ie da joar zeevnstn, je won ton twèe etappes. In 1991 wierd 'n twèedn in de Tour en in 1992 derdn.

Bugno had in 't pelotong de lapnoame d' hoagedisse.