Hoofdmenu openen

Wikipedia β

Gille van Dadizele

Replica van de grafstêen van Gille van Dadizele in de crypte van de basilieke van Deizel.

Gille van Dadizele (Deizel, 1420 - 23 ogustus 1506) was abdis in Marquette (in d'omgevienge van Rysel, Frankryk). Ze was de tante van Ridder Jan van Dadizele.

In 2003 krêeg de paster van Deizel bericht dat archeoloogn ip e site in Marquette e grafstêen gevoundn han van e zekere Gille de Dadizele. Ze was van oadelikken ofkomst en de dochter van Jan (I) van Veerdeghem. Ze was klôosterzuster gewist en 22 joar abdis in d'abdye van Marquette (gesticht deur gravinne, Johanna van Constantinopel in 1228).

Ze kwam verzekers in 't meisjespensionoat van d'abdye terechte achter dat eur voader stierf in 1424 en eur moeder in 1426. Ze stoat in de boekhoudienge van d'abdye vermeld in 1464 tegoare met eur nichtje Katheline, de zuster van Ridder Jan. Ze droegn tegoare de kostn vo 't restaureern van de kapelle by d'abdye.

Den originele stêen van 't graf wordt bewoard in 't stadhuus van Marquette. E platselikke kunstnoare, Francis Ravau, makte e replica van de stêen.

Ip andriengn van Dadingisila, de heemkundige kring van Deizel, het de replica in 2005 e plekke gekreegn in de crypte van d' O.L.Vrouwebasilieke in Deizel dichte by de grafstêen van Ridder Jan.