Giuliano di Lorenzo de' Medici

Giuliano de' Medici (Firenze, 12 moarte 1479- Firenze, 17 moarte 1516), was de joungste zeune van Lorenzo il Magnifico en Clarissa Orsini.

Giuliano de' Medici
14791516
Portret deur Rafaël
Signore (hêre) van Firenze
Periode1512 - 1513
VôorgangerGiovanni de' Medici
IpvolgerLorenzo II de' Medici
Hertog van Nemours
Periode1515 - 1516
VôorgangerGaston van Foix-Nemours
IpvolgerFilips van Savoye-Nemours
VoaderLorenzo de' Medici
MoederClarissa Orsini
Dynastie
Huus Medici

Zyn twi broers woarn Piero en Giovanni. Je regeerdeg’ over Firenze van 1512 tout 1513 en in 1515 krêegt ’n den titel van hertog van Nemours.

Zyn leevn bewerkn

Achter den dôod van hunder voader regeerde zyn oudere broere Piero kort over Firenze, toutdat de Medici in 1494 verjoagd wierdn. Giuliano verhuusde no Venetië.

In 1512 kostn ze werekêern en wierd hunder macht hersteld. Piero, den oudstn, was gestorvn in 1503 en doarom kwam Giuliano ip ols stadsregent van Firenze, in noame van zyn broere Giovanni, die kardinoal was en in 1513 verkoozn wierd tout paus Leo X.

In 1515 stierf in Frankryk keunink Lodewyk XII en Frans I volgdeg’ hem ip. Vo goed te stoan met de nieuwn keunink zoundt Leo X Giuliano ols gezant no Frankryk. Frans I was zodoanig ounder den indruk van Giuliano dat ’n hem liet trouwn met de joungste zuster van zyn moeder, zyn jounge tante van zeevntien joar oud, Filiberta van Savoye. Ze was de dochter van hertog Filips II van Savoye. Frans I benoemde Giuliano ôok tout hertog van Nemours.

Mo Giuliano ha gin goeie gezoundheid en je stierf de 17ste moarte 1516. Je was nog mo 37 joar oud. Z’han hem anders keunink van Napels gemakt.

J’ha gin wettige jounges, mo wel ’n ounwettige zeune Ippolito de' Medici (1511 - 1535), van in den tyd van zyn verbannienge.

Je wierd ipgevolgd deur Lorenzo II de' Medici, de zeune van zyn oudste broere Piero den Oungelukkign.

Giuliano ‘s grafmonument, in de Medici-kapelle van de San Lorenzokerke in Firenze, is versierd me drie beeldn van Michelangelo: êen van Giuliano zelve en de beeldn Nacht en Dag.

Deurdat ’n dezelfste noame het van zyn nounkel Giuliano de' Medici (zyn graf stoat ôok in de Medicikapelle), zyn d’r vele die peizn da zyn graf da van zyn nounkel is.