Hafabra is e verzoamelnoame vo armonie, fanfare en brassband, dikkersn in 't korte 't muziek genoemd in West-Vloandern.

Belang bewerkn

Hafabra-verênigingn zyn 't erte van en socioal leevn en de cultuur vo den amateur in uze streekn, want oloewel dat er ôok wel professionele hafabra's zyn, zyn de mêeste toch amateurverênigingn. Iedere gemêente et wel zyn eign muziek, dat de gemêentelikke plechtigheedn inuldigt. Tot in de joarn 1990 oad iedre gemêente verschillige muziekn van verschillige "kleurn" en belangngroepn: De Gilde, de Middenstand, de socialistn, de pompiers, de muziekschole, de Chiro, ... Vor e bitje geld binn te bringn geevn de mêeste verênigingn ôok e joarliks lenteconcert of kestconcert. Lik by ol de verênigingn zyn koartingn ôok vrêe populair.

Overkoepelingn bewerkn

  • De Vlamsche amateurmuziekorganisoatie, Vlamo, is e vzw die ol de amateurmuziekverênigingn in Vloandern overkoepelt, dus ôok de hafabra. Vlamo steunt under leedn deur groepsverzekeringn, lessn, play-ins en ol zukke dingn. Ze zyn ôok de tusschnpersôon tusschn de Vlamsche overeid en de amateurverênigingn, onder andere i.v.m. subsidies. In dat upzicht organiseern ze ôok concours woaby dan de verênigingn in verschillende divisies ingedêeld wordn. Oe ôger je divisie, oe mêer subsidies da je krygt.
  • 'n Andre overkoepelinge in West-Vloandern is Fedekam (Federoatie van Katholieke Muziekmoatschappy'n). Zydre organiseren ol vele joaren Play-in's vo de joenge muzikanten, doagen vo verschillende groepn van instrumenten en de joarlikse taptoe up de Burg in Brugge.

Interne koppeliengn bewerkn

Lyste van West-Vlamsche hafabra

Externe koppeliengn bewerkn

Vlamo

Fedekam