Hans Van Themsche

Hans Van Themsche (1988) vermoordde up 11 meie 2006 in Antwerpn 2 menschn: de zwangere Malinese Oulematou Niangadou en de 2-joarige Luna Drowart. Ne verwondde ôok Songül Koç, e Turkse vrouwe.

Doadn bewerkn

Up 11 meie 2006 pakte y de tring va Roeseloare na Antwerpn. Êest kocht y e woapn (woarvoorn daj gin vergunninge nodig at) en toene de kogels vo derin. Ne wandelde êest e toertje tot dat ie e plekke vound woar dat rustig genoeg wos. Zyn êeste slachtoffer wos Songül Koç, e Turkse vrouwe met en ôofddoek an die e boek an 't leezn wos. Van Themsche schoot up eur mo ze werd nie dodelik gewond. Nog gin 2 minuutn later schôot y up Oulematou Niangadou, e Malinese zwangere vrouwe. Ze was de au pair va Luna Drowart en ôok zy werd vermoord ondanks eur blanke uudskleur. En agent de ip e terrasse doar nie zo verre van zat at alles goord en kon Van Themsche uutschoakeln deur em in den buuk te schietn.

Onderzoek bewerkn

Van Temsche et in e verhoor toegegeevn dat y doelbewust achter anderskleurign mikte. Ne beweerde dat 'n 5 joar geleedn, toen dat nog in Brussel na 't schole gieng, gepest werd deur allochtoonn. Volgens em is da ze motief. De politie vound up ze kamer in 't internoat va Roeselare woar dat y na 't schole gieng, en afscheidsbrief. Doar stound in dat y 10 vrimdeliengn gienk vermoordn en doarachter zelfmoord gienk pleegn. Ne bedankt ook zyn ouders voor olles dat ze voor em gedoan an.

Familie bewerkn

Hans komt uut e familie die ol van in 't begun lid is van de rechtse party Vlaams Belang. Zyn tante Frieda Van Themsche wos up et moment van et gebeurn kamerlid. Mo volgens justitie èit dat niet met zyn daadn te moakn. Ne zoudt nie racistisch zyn upgevoed.