Hesdin

Hesdin (Nederlands: Heusdin of Heusden) is e gemêente in 't Frans departement Pas-de-Calais (regio Hauts-de-France) en telt roend de 2178 inweuners (2012). De plekke makt dêel uut van 't arroendissement Montreuil en 't ligt in 't bekkn gevormd deur de riviern de Kwinte (Canche) en de Ternoise.

Hesdin wierd in 1554 door Keizer Karel V gebouwd an d' oevers van de Canche, achter dat ie 't 6 km verderip geleegn Vieil-Hesdin (Oud-Heusdn) en zyn kastêel in 1553 ad verwoest.

D'ippervlakte van Hesdin bedroagt 0,9 km². De bevolkiengsdichtheid is 2.395,8 inweuners per km².

In de gemêente Hesdin ligt er e stoasje an de spoorweglyne die Arras en Boulogne verbiendt me mekoar.

D'oenderstoande koarte toogt woar dat Hesdin geleegn is me de belangrykste infrastructeure en d'angrenznde gemêentes.

Geboorn in Hesdin

Valeran de Héman (1584-1641), orgelbouwer die oender meir werkte an d'orgels van de Notre-Dame van Parys en van de kathedroale van Rouen en van Bordeaux. Ot ie em stierf wierd ie em ipgevolgd deur zyn 3 koozns.
Joannes Loisel (1607-1660), kanunnik in Antwerpn en Ninove, koormêester en componist van oender mêer Latynsche en Nederlandsche kerstliedern, die in 't joar 1651 uutgebrocht wierdn oender de latynsche noame cantiones natalitae.
Antoine François Prévost (1697-1763), gêestelikn, skryvr en journalist. Ie èt oender mêer 't boek Manon Lescat geskreevn.
Charles Blondin (1824-1897), geboorn oendr de noame Jean François Gravelet. Em was koorddansr en je stak in 't joar 1859 ols êerstn de Niagara woatervaln over.
Henri Le Fauconnier (1881-1946), kunstenoare.
François Dalle (1918-2005), zoakeman, makte van 't in tyde kleêne L'Oréal de numero 1 van de cosmeticaproducentn.

Ofbeeldiengn die ier by passn ku je vien in de categorie Hesdin van Wikimedia Commons.