Hoazelworms (Anguidae) vormn e familie van akketesn, de meiste zoender powt'n, moa by sommigte zyn ze wel oentwikkeld. Der bestoan oengeveer tachntig sowrt'n en ze zyn weireldwyd te viend'n.

Hoazelworms zyn meistal bruyn van kleur. Hunder vel is sterk bepantserd mè grove schub'n en hunder steirt is langer of hunder lyf. By vele sowrt'n brèekt de steirt gemakkelyk of by bedreigynge.

Al de sowrt'n zyn carnivoor en ze leevn van kleene oengewervelde beist'n lyk insect'n, slek'n, kob'n en schorpioenn. Groddere sowrt'n eet'n ook wel kleene gewervelde beist'n lyk slangn en akketesn.

De meiste sowrt'n legn eiers, sommigte briengn leevnde joengn ter weireld.

Taxonomie bewerkn

Hoazelworms word'n verdeild in twèe oenderfamilies (Anguinae en Gerrhonotinae), tien geslacht'n en 78 sowrt'n.