Hoofdmenu openen
Wyndoalebus in 't Houtland

‘t Houtland is e streke in West-Vloandern me vele busschn, vandoar de noame. In ‘t nôordn grenst ‘t an Brugge, in ‘t ôostn an ‘t Meetjesland (Ôost-Vloandern), in ’t zuudn an de lyne van Tielt noa Diksmude en in ’t nôord-westn an de Polders.

Buutn de mêeste busschn van de provincie et de regio Houtland ook schône landschappn me dreevn, vele kastêelparkn en reekn knotwilgn tusschn de veldn.

Tourhout wordt d’hôofdstad van ‘t Houtland genoemd.

Regionoal LandschapBewerken

In 2002 is de vzw Regionoal Landschap Houtland ipgericht vo te zorgn vo 't karakteristiek landschap en de nateurweirde van 't Houtland, de zandstreke ten zuudn van Brugge. D'ippervlakte bedroagt ca. 41000 ha en 't strekt hem uut over de gemêentes Beirnem, Ôostkamp, Tourhout, Wiengne, Zillegem en dêeln van Brugge, Damme en Jabbeke.Ichtegem wordt er er ook vele bygerekend moa makt er nie officiëel dêel van ût.

Eén van de belangrykste activiteitn van 't Regionoal Landschap Houtland is 't anplantn en 't ounderhoud van landschapselementn, lik de reekn knotwilgn, dreevn, poeln en klêne groengebiedn. De boern wordn ook betrokkn by d'integroatie van under bedryf in d'omgevienge en d'r wordt gezorgd vo de beschermienge van bedreigde bêeste-en plantesôortn.

Externe koppeliengeBewerken