Hubble ruumtetelescoop
De Hubble Ruumtetelescoop is een satelliet met een telescoop genoemd achter den astronoom Edwin Hubble die in april 1990 deur de space shuttle Discovery gelancèrd is in een lêge boane. De Hubble ruumtetelescoop is een collaboroasje tusschn NASA en d' Europeesche Ruumtevoartorganisoasje ESA, en is êen van de grotste en veelzydigste ruumtetelescoopn die vôrol in infrarôod en in 't zichboar lichtspectrum werkt. 't Was ook den êeste ruumtetelescoop die derup vorzien was van een regelmoatige service te krygn deur bezoekn van verschillende shuttlemissies.
Achter dat de Hubbletelescoop was gelancèrd voundn d' astronoomn uut dat de vornoamste spegel verkêerd gesleepn was, en pas achter den êeste dienstbeurt in december 1993 gaaft de telescoop bèldn die van de verwachte kwaliteit woarn. Sedertdien zyn der ontelbaor' antol fottos noa d' eirde deuregesteurd, die vele g'holpn hèn in d' astrofysica, gelik mè de leeftyd en d' uutzettiengsnelheid van 't heelal te bepoaln.
De telescoop hèt de volgende dienstbeurtmissies ountvangn :
- dienstbeurte 1, space shuttlemissie STS-61 Endeavour, december 1993 (correctie van de hoofdspegel)
- dienstbeurte 2, space shuttlemissie STS-82 Discovery, februoari 1997
- dienstbeurte 3A, space shuttlemissie STS-103 Discovery, december 1999 (reparoasje van 3 gyroscoopn)
- dienstbeurte 3B, space shuttlemissie STS109 Columbia, moarte 2002
- dienstbeurte 4, space shuttlemissie STS125 Atlantis, meie 2009 (verlengienge van dienst toet an 2014)
De volgende missie goat de ruumtetelescoop were noa d' eirde briengn.
-
Krabbenevel -
Sterrewolkn in 't sterrenbèld den Oarend -
Sterrecrèche in de Carinanevel -
botsende sterrenstelsels -
Stofschyve round de sterre Beta Pictoris -
Mars -
Botsienge van de Shoemaker-Levy-9 komete mè Jupiter -
De Schwassman-Wachmann3-B komete
|
Ofbeeldiengn die ier by passn ku je vien in de categorie Hubble Space Telescope van Wikimedia Commons. |