Iep Fourier

Iep (Philip) Fourier (11 november 1959) is een West-Vlamsche muzikant uut Blanknberge. Je gerakte surtout gekend als droailierspeler. Je bespeelt zowel de akoestische als de elektrische droailier en kreeg doavoren ook de nodige internationale erkenninge. Met dat instrument ist’n zowel te vindn vo volksmuziek als vo experimentele muziek en improvisoatie.

Iep Fourier gerakte al in de joaren 1970 gebeetn deur traditionele muziek, met een voorkeure vo bourdoninstrumentn lik doedelzak en droailier. In 1978 et’n in Gooik zijn eeste stage gevolgd by Herman Dewit vo Vlamsche doedelzak. Loater kwamt’n ook terechte by Hubert Boone, Jean-Pierre Van Hees en Rémy Dubois. Vo ‘t volkslied most ‘n by Wannes Vandevelde zyn, en vo droailier in Frankryk by Eveline Girardon en Marc Anthony. Sedert 1990 gift Fourier zelve lesse in droailier ip de stages vo traditionele muziek in Gooik, privé of in ‘t buutnland.

Iep Fourier is stichtnd lid van de folkgroep Klakkebusse, muzikant by Olla Vogala en je vormt een duo met gitarist Gilbert Isbin. Neffest de vele iptreedns ip podia in binn- en buutnland, in ensemble of als solist is Iep ook dikwils betrokkn by allerande projectn in folk, in experimentele of oude muziek.