Islam in Nieuw-Zeeland

Den Islam in Nieuw-Zêeland is e relatief klêne en nieuwe religieuze gemêenschap van mêer of 36.000 menschn.

Nieuw-Zêelands Moslimjoungetje in Canterbury Mosque, 2007

Den Islam begost in Nieuw-Zêeland met de komste van Islamitisch-Chinese mynwerkers in de joarn '70 van de 19ste êeuwe. Tusschn 1900 en 1960 vestigdn under ook klêne groepn Islamitische immigrantn uut Indië en Ôost-Europa in Nieuw-Zêeland. Grottere islamitische immigroatie begost in de joarn '90, met de komste van immigrantn en oorlogsvluchteliengn uut verschillige landn.

D' êeste islamitische organisoatie in Nieuw-Zêeland, de New Zeeland Muslim Association, is in 1950 ipgericht. 't Êeste islamitisch centrum is ipgericht in Auckland City in 1959. Den êeste moskee is gebouwd tusschn 1979 en 1980. In 1962 ist er een islamitische verênigienge ipgericht in Wellington, den hoofdstad van Nieuw-Zêeland. In 1977 ist er e derde islamitische organisoatie ipgericht in Christchurch, ip Zudereiland.

De grotste moslimorganisoatie van Nieuw-Zêeland, de Federoatie van Islamitische Verênigiengn, is ipgericht in 1979. Den êeste vôorzitter was Mazhar Krasniqi, oorsprounkelik een Albanees uut Kosovo. Krasniqi was twêe kêers vôorzitter van de New Zeeland Muslim Association: in 1975 en were in 1987. In 2002 hèt 'n van de regerienge van Nieuw-Zêeland de Queens dienst medaille gekreegn.

Tusschn 1980 en 1994 zyn der vier regionoale islamitische verênigiengn ipgericht en toegeloatn toet de federoatie. Tusschn 1982 en 1999 was Marhum Khalid Sheikh Hafiz de senior religieuze leider. Hafiz is geboorn in Indië en ipgekwikt in Saoudi-Arabië. J' is in 1981 toet imam van Wellington benoemd.

Literateure bewerkn