Jan Bucquoy
Jan Bucquoy (Oarelbeke, 16 november 1950) es nen regisseur en enfant terrible.
Carrière als regisseur
bewerknJan Bucquoy es bekend gekoomn me zynen êestn en belangrykstn film: La vie sexuelle des Belges uut 1994, woarin dat ie zyn jeugdjoarn in Oarelbeke beschryft. Zyne twêede film speelde em of ip nen camping an de kust in Westende: Camping Cosmos, en vertelt over de vakanties van de Belg en de absurditeitn da da meebringt. De film weird ôok soms als dêel twêe bekeekn, in de reekse van La vie sexuelle....
Andere, minder bekende, titels zyn:
- Fermeture de l'usine Renault à Vilvoorde (La vie sexuelle des Belges III) (1998)
- La Jouissance des hystériques (La vie sexuelle des Belges IV) (2000)
- Vrijdag Visdag (La vie sexuelle des Belges V) (2000)
- La vie politique des Belges (2002)
- La société du spectacle et ses commentaires (La vie sexuelle des Belges VI) (2003)
- Les Vacances de Noël (2005)
Zyn prenteboeksje Le Bal du rat mort spilt zich of in Ostende.
'Carrière' als anarchist
bewerkn- J'eit ôoit ne rel verôorzoakt in et TV-programma Incredibile, deur te lachn met de schoamdêeln van keuniginne Fabiola. Die rel eit er vôorn gezorgd da et programma loater ofgevoerd es.
- J'es conservator van het Slipmuseum in Brussel
- J'eit ôoit een puppe van keunieng Boudewijn ountôofd ip de mart van Brussel
- Je wos betrokkn by de groep van Noël Godin, de Entarteur, die een toarte in d'oanzichte gesmeetn eit van beroemdheedn, woarby da vôorol de aanslag ip Bill Gates vo internationoale nieuwswoarde eit gezorgd.
- j´eit de beruchte Café "De Dolle mol" in Brussel gekrakt en weere opengedoan in 2006. Nu is´t e kultureel sentrum, achter dat de minister Anciaux em g´holpen et.