Jan Callewaert

Jan Callewaert (Wielsbeke 1956) es nen West-Vlamschn manager. Ie stoat an't ôofd van et beursgenoteerde Option, een bedryf uut Leuven.

Upleidinge

Handelswetenschappn (specialisoatie beleidsinformatica) en baccalaureoat filosofie an de KU Leuven.

1980 tot '82: assistent an de VLEKHO in Brussel
'82 - '84: systeemingenieur, loater productmanager by Bull, woa dat ie ervoaringe updeed in de informaticabranche
'84 - 86: ervoaringe in de telecom by Ericsson.
In 1986 sticht ie Option International (met 'n kapitoal van moa 100 000 frang) en bringt ie een modemkoarte voo nen laptop uut.

In 1997 ging 't ie mè zyn bedryf noa de beurse, moar deur et slicht beleggersklimoat wos da me wisselend succes. 't Andêel ging rap omhôge, moa nog rapper noa beneen. Ie wos ôok te vroeg me zyn koarte, moar toen da't ne up 't ende van 2002 nen deal sloot mè Vodafone ging et ommetekêe vrêe rap. Vanof ton ein zyn modems een grôot dêel van de markt veroverd. Ondertussn es Option uutgegroeid tot een internationoal bedryf, mè een productieofdêlienge in Cork (Ierland), een softwareofdêlienge in Adelsried (Duutsland) en 'n center vo droadlôze routers in Stockholm (Zweden). Eind 2006 weirktn er 500 minsn.

Jan Callewaert eit nen boek geschreevn "Van de hemel naar de hel en weer terug", over het veroal van zyn bedryf Option.